Кудряшев Дуродолани нокаутга учратиб, 2 йил аввалги мағлубият учун реванш олди

Оқшомнинг марказий жанги оғир вазн тоифасида ўтказилиб, унда россиялик боксчи Дмитрий Кудряшов нигериялик Оланреважи Дуродолага қарши рингга кўтарилди. Кудряшов фаолиятидаги ягона мағлубиятини 2015 йили айнан Дуродоладан қабул қилиб олганди.

Бу сафар Дмитрий икки йил аввалги ўша мағлубият учун муносиб тарзда реванш олди. Кудряшов тўртинчи раундда рақибини нокдаунга учратди. Бешинчи раундда ҳолат яна такрорланди. Чап қўлда берилган кучли хук зарбасидан сўнг жанг тўхтатилди.

Техник нокаут эвазига қозонилган ғалаба эвазига Дмитрий Кудряшов оғир вазн тоифасида WBC Silver чемпионлик камарини қайтариб олди.