02 мар 17:23
Янгиликлар

Бокс/ММА

Кун фотоси. Сауль Альварес ва Жейкобс Мексикада

Жорий йилнинг энг кутилаётган жангларидан бири сифатида қаралаётган жанг иштирокчилари Мексикада тўқнаш келишди.

Ўрта вазн тоифасида ўтказилувчи ушбу бирлаштирувчи чемпионлик жангида WBC ва WBA йўналишлари чемпиони мексикалик Сауль "Канело" Альварес IBF чемпиони америкалик Дэниэл Жейкобсга қарши рингга кўтарилади.

Боксчилар Мексикада ташкил этилган матбуот анжуманида яна бир бор тўқнаш келишди. Илк анжуман АҚШда ўтказилган эди.

"Бу менинг ўрта вазн тоифасида ўтказадиган сўнгги жангим бўлмайди. Ўзимни бу вазнда яхши хис қиляпман. Балки, иккинчи ўрта вазнда ҳам бир нечта жанг ўтказарман", - деди Канело.

"Жанг нокаут билан якунланадими ёки ҳакамлар ғолибни аниқлаб беришадими? Буни билмадим. Лекин бир нарсага ваъда бераман, мухлислар ажойиб бокс гувоҳига айланишади. Мен 4 май куни нафақат чемпион бўламан, балки қиролга ҳам айланаман", - деди Жейкобс.