20 май 15:14
Янгиликлар

Бокс/ММА

Кун янгилиги: Уайлдернинг укаси Марселлос проф боксда дебют қилади

Супероғир вазн тоифасида WBC йўналиши чемпиони Деонтей Уайлдернинг кичик укаси Марселлос Уайлдер проф рингда дебют жангини ўтказади.

Америкалик 29 ёшли Марселлос 25 май куни биринчи оғир вазн тоифасида жанг ўтказади. Унинг рақиби 23 ёшли Жейлин Энтони бўлади. Энтони 4та жанг ўтказган бўлиб, уларнинг барчасида рақибларини нокаутга учратган.

Уайлдер илк жангининг ўзида жиддий рақиб билан тўқнаш келади. Марселлос ёшлигида американча футбол билан шуғулланган. Кейинчалик акасига ҳавас қилиб, ҳаваскор бокс билан шуғуллана бошлаган. У икки бор Алабама штатининг “Олтин қўлқоп” турнирларида зафар қучган.