Кутганмидингиз? Ўзбекистон россиялик машҳур ва тажрибали спортчини маҳаллийлаштириш арафасида!

Бу ҳақда спортчининг ўзи "Матч ТВ" нашрига хабар берди.

"Ўтган йили мусобақаларда Ўзбекистон терма жамоаси учун иштирок этиш таклифи пайдо бўлган эди. Мен бу таклифни кўриб чиқдим. Спортдаги ягона мақсадим - фаолиятимни давом эттириш ва халқаро мусобақаларга қайтиш.

Бу аниқ мақсад. Мен таклифга рози бўлдим ва Ўзбекистон терма жамоаси сафига ўтишга қарор қилдим", деди Семериков.

Маълумот учун, Данила Семериков конькида югуриш бўйича жаҳон чемпионатларида тўрт маротаба бронза медалини қўлга киритган. 29 ёшли спортчи Европа чемпионатида ҳам иккита кумуш ва битта бронза медалига эга чиққан. У Россияда коньки югуриш спорт турининг машҳур вакилларидан ҳисобланади.

Аввалроқ, фигурали учувчилар Екатерина Гейниш ҳамда Дмитрий Чигиревнинг ҳам Ўзбекистон терма жамоаси сафига ўтиши ҳақида хабар берган эдик.