04 янв 08:21
Янгиликлар

Бокс/ММА

Кутилмаган хабар. Қудратилло Абдуқаҳҳоровнинг жанги ўтказилмайди

Профессионал боксчиларимизнинг 2019 йилдаги иштирокини бошлаб бериши кутилган Қудратилло Абдуқаҳҳоровнинг чемпионлик учуни саралаш жанги ўтказилмайдиган бўлди.

Проф боксда мағлубиятсиз одимлаётган ҳамюртимиз эртага Малайзияда ўзининг навбатдаги муҳим жангини ўтказиши керак эди. Яқиндагина WBC Silver чемпионлик камаридан воз кечган чарм қўлқоп устамизнинг ярим ўрта вазн тоифасида IBF чемпионлик камари учун саралаш жангида рингга чиқиши белгилаб қўйилганди.

Аниқроғи, 25 ёшли Абдуқаҳҳоров ҳамда япониялик 31 ёшли Кеита Обара ўртасидаги жанг ғолиби ушбу вазн тоифасида IBF чемпиони Эррол Спенсга қарши рингга кўтарилиш ҳуқуқини қўлга киритарди. Лекин бу жанг энди ўтказилмайди.

Абдуқаҳҳоров айни пайтда Тошкентда ва у тез орада АҚШга жўнаб кетади. Боксчимизнинг бизга хабар беришича, унинг навбатдаги жанги февраль ойида Америкада ўтказилади. Қудратилло дунёга машҳур промоутерлик компанияларининг бири билан шартнома имзолаши шарт. Акс ҳолда мана шундай нопрофессионал ёндашув давом этаверади.

Аввалига WBC Silver чемпионлик камарини ўз вақтида ҳимоя қилмагани учун унвонсиз қолди. Кейин эса тўлақонли чемпионлик камари учун жанг қилиш учун имконият тақдим этадиган муҳим саралаш баҳси ҳам бекор бўлди.

Маълумот учун, Қудратилло Абдуқаҳҳоров (15-0, 9 KOs) профессионал боксдаги фаолияти давомида 15та жанг ўтказиб, уларнинг барчасида ғалаба қозонган. Тўққизта жангда рақибларини нокаутга учратган.

Ҳавола :

Манба : olamsport.com

Рейтинг:

07:23

Боксчиларимиз Янгиободда Қозоғистон, Тожикистон ва Корея терма жамоалари билан қўшма машғулот ўтказяпти (ФОТОГАЛЕРЕЯ) 0

22:19

Ўзбекистон ўсмирлар терма жамоаси U-17 Осиё Кубоги 1/2 финалида аламли мағлубиятни қабул қилди 0

10:20

Ўзбекистон U17 Осиё чемпионати 1/2 финалда ким билан ўйнайди? 0

Фикрлар

Энг яхшилар Охирги Биринчи

04 янв 12:08:31

Bek

Кутилмаган хабар дейиш сал нотўғри шекилли. Бу айнан кутилган хабар эди аслида. "Эррол Спенс" орзуси хали рўёбга чиқмайди шекилли.

фикрга жавоб бериш

04 янв 11:25:50

Dilshot Solihov

Endigina prafitsyanal rinnga qadam qo'yayotgan bo'kischilarimizga zo'r dars bo'pti bu osiyo pramotirlari MALAYZIYANI anu KAREYANI pramotirlari umuman kelajagi yo'q bo'kischini mana shunaqa mavhum holatga obkeb qo'yadi ! Yana hayron qoladigan holat Qudragillani jangiga 1 kun qolganida shu habarni bervosilla admilla oldinroq malumot yo'qmidi iltimos anu Xabib hamda Ko'nir haqida har bitta ovotkan nafasigacha habar berasila o'zimizi bo'kischila haqida ko'pro habar berila iltimos?????????

фикрга жавоб бериш

04 янв 10:54:16

JasurBeK

Bu Qudratillo uchun faqat yaxshilikka xizmat qiladi. Top saviyali bokschi bo'lsang-u, promoterlar mashhur bo'lmasa hozir mingta jang yutadimi bari bir tiyin. Menga qosa, El Xeymon bilan kelishsa zor bolardi. Bu promoterning aksariyat yulduzlari aynan Qudratillo ishtirok etadigan vazn vakillari hisoblanadi

фикрга жавоб бериш

04 янв 10:22:10

Rossener_22

Togrisi men hayron bolmadim. Hozirgi pramoutrlari bn ishlashda davom etsa bundan kiyinam shunday boladi

фикрга жавоб бериш

< сўнгги янгиликларни кўриш