Липницкая 19 ёшида фаолиятини якунлади

Бу ҳақида унинг онаси айтиб ўтди.

"Юлия фаолиятини якунлаш ҳақидаги режасини апрель ойидаёқ федерацияга маълум қилганди. Ўшанда у Европада анорексиядан уч ой давомида даволаниб қайтганди.

Биз Юлияга қийин паллада ёрдам берган "Телеспорт" компаниясидан миннатдормиз.

Шуни айтиб ўтишим керакки, у ҳозир фақат Олимпия стипендиясига яшамоқда. Терма жамоа аъзоси бўлсада федерациядан пул олаётгани йўқ", - дейди у.

Эслатиб ўтамиз, Липницкая 2014 йилда Олимпиада чемпионига айланганди. Кейин эса ЖЧда кумуш медаль, Европа чемпионатида олтин медални қўлга киритганди.

Февраль ойида у жароҳати сабабли мавсумни якунлагани маълум бўлганди.