17 дек 11:06
Янгиликлар

Бокс/ММА

LIVE. -57 кг вазнда ҳам Ўзбекистон чемпиони аниқланди

Самарқанд шаҳрида бокс бўйича катталар ўртасидаги Ўзбекистон чемпионати якунига етиб боряпти.

Бироз аввал илк финал жанги ўтказилиб, унда Рио Олимпиадаси чемпиони Ҳасанбой Дўсматов -52 вазн тоифасида Ўзбекистон чемпионига айланганди. Ҳозиргина -57 кг вазнда ҳам финал баҳси якунланди.

Ушбу вазн тоифасида чемпионлик учун асосий даъвогар саналган пойтахтлик Абдулҳай Шораҳматов "Динамо" спорт жамияти вакили Отабек Холматовга қарши баҳс олиб бориши керак эди. Лекин Холматов рингга чиқмади.

Натижада Абдулҳай Шораҳматов финал жангисиз Ўзбекистон чемпионига айланди. Ярим финалда мағлубиятга учраган Ҳасанжон Тўракелдиев ва Миразизбек Мирзаҳалиловлар бронза медалига сазовор бўлишди.