Ломаченко фаолиятини неча ёшда якунлаши мумкинлигини айтди

Аммо, бунинг учун у мутлақ жаҳон чемпионлигига эришиши лозим.

"Мақсадим - битта вазн тоифасидаги барча камарларни бирлаштириш ва ундан кейин фаолиятимни якунлаш. Мен мутлақ чемпион бўлганимдан сўнг нима қилишим керак? Бокс бу спорт, у чемпионларга "вызов" ташлаш билан қизиқ. Мутлақ чемпион бўлгандан ким билан жанг қилиш керак? Мен фаолиятимни 33 ёшда ҳам тугатишга тайёрман. Илк маротаба 5 ёшимда бокс қўлқопларини кийганман. Шундан кейин ҳаётимни бокс эгаллади. Аммо, ҳар нарсанинг чегараси бор", - деди украиналик боксчи.

Эслатиб ўтамиз, 30 ёшли Ломаченко бугунги кунгача учта вазн тоифасида совринлар ютган. Кейинги жангини у WBA йўналишидаги асосий даъвогар Энтони Кроллага қарши ўтказади.