10 дек 13:53
Янгиликлар

Бокс/ММА

Ломаченко ва Ригондонинг бугунги жангдаги қўлқоплари музейга топширилади

Ҳаваскор боксда икки карра Олимпиада чемпиони Василий Ломаченко ҳамда кубалик жаҳон чемпиони Гильермо Ригондонинг қўлқоплари Халқаро бокс шон-шуҳрати Зали музейига топширилади.

Бугун бу икки жаҳон чемпионлари АҚШнинг Нью-Йорк шаҳридаги Мэдисон Сквер Гарден аренасида ўзаро тўқнаш келишган ва унда украиналик боксчи рақибини муддатидан аввал мағлуб этган эди.

“Шон-шуҳрат Залининг асосий вазифаси бокс тарихини сақлаб қолиш. Бугунги жанг ҳам тарихий мақомга эга эди. Боиси, унда икки вазн тоифаси чемпионлари ўзаро тўқнаш келишди. Энди бугунги жангдаги қўлқоплар бизнинг Зални безайди”, — деди Халқаро бокс шон-шуҳрати Зали музейи ижрочи директори Эдвард Брофи.