27 май 13:52
Янгиликлар

Бокс/ММА

Ломаченко vs Кэмпбелл. Жанг расман учта камар учун кечади

Енгил вазн тоифасида WBA ва WBO йўналишлари чемпиони Василий Ломаченко ўз камарлари сонини учтага етказиб олиши мумкин.

Украиналик боксчи навбатдаги жангини британиялик Люк Кэмпбеллга қарши ўтказади. Боксчилар расман жанг шартномасига имзо чекишди. Жанг ғолиби Ломаченконинг иккита камари ва айни пайтда вакант бўлиб турган WBC камарини қўлга киритади.

Бу ҳақда таниқли промоутер Боб Арум J Calderon Boxing Talk каналига берган интервьюсида маълум қилди. Арумнинг сўзларига таянадиган бўлсак, жанг ёз фаслининг охирларида ўтказилади. Жанг катта эҳтимол билан Буюк Британияда бўлиб ўтади.