13 авг 11:35
Янгиликлар

Бокс/ММА

Ломаченко vs Ригондо. Икки чемпион жанги 9 декабрь куни ўтказилиши мумкин

Профессионал бокснинг биринчи енгил вазн тоифасида WBO йўналиши чемпиони Василий Ломаченко ўзининг навбатдаги жангини 9 декабрь куни ўтказиши мумкин.

У шу куни биринчи ярим енгил вазн тоифаси чемпиони Гильермо Ригондога қарши рингга кўтарилади. Айни пайтда икки карра Олимпиада чемпионининг жамоаси Ригондо билан музокара олиб боряпти.

Агар ҳаммаси жойида бўлса, 9 декабрь куни бокс мухлислари бирлаштирувчи чемпионлик жанги гувоҳига айланишади. Мабодо, келишув амалга ошмаса, у ҳолда Ломаченко 9 декабрь куни мексикалик Орландо Салидога қарши реванш жангида рингга кўтарилади.