08 мар 16:10
Янгиликлар
Футбол
Луис Энрике: “Бизга тўртта гол урган жамоага биз олтита гол уришимиз ҳам мумкин”
“Барселона” устози Луис Энрике Чемпионлар лигасининг “ПСЖ” га қарши жавоб учрашувидан нималар кутаётганлиги ҳақида тўхталди.
“Қарама-қаршиликнинг фақат ярми ортда қолди. Олдинда яна 95 дақиқа бор. Бу вақт ичида кўп нарсалар ўзгариб кетиши мумкин. Мен яхши натижага умид қилаяпман.
Биз ҳимояда ҳам, ҳужумда ҳам яхши ўйин кўрсатишимиз лозим. “ПСЖ” – жуда кучли рақиб. Биринчи ўйиндан кейин ўтган вақт ичида кўп нарсалар ўзгарди. Биз ўйинимизни кучайтирдик, яхши ўйин кўрсата бошладик.
Имкониятларимиздан самарали фойдаланишга уриниб кўрамиз. Агар кимдир бизга тўртта гол уриши мумкин бўлса, биз ҳам ўша жамоага олтита гол ура оламиз. Бунақаси ушбу мавсумда кузатилди. Бизни йўқотадиган нарсамиз йўқ.
Жамоамнинг муваффақиятига ишонаман. Биз илгари бунақа ҳолатга ҳеч тушмаганмиз. Аммо мен жамоамнинг кучига ишонаман”, деди Энрике.
Ҳавола :
Манба : uefa.com
Фикрлар