29 июл 16:44
Янгиликлар

Бокс/ММА

Луис Ортис иккинчи раундда масалани ҳал қилди

Супероғир вазн тоифасида жаҳон чемпионлик камари учун собиқ даъвогар Луис Ортис навбатдаги жангини ўтказди.

Кубалик боксчи АҚШнинг Лос-Анжелес шаҳрида руминиялик Разван Кожануга қарши рингга кўтарилди. Американинг Showtime телеканали трансляция қилган ушбу жангда 39 ёшли Ортис рақибини иккинчи раундда нокаутга учратди.

Хабар берганимиздек, ушбу бокс оқшомининг марказий баҳси бирлаштирувчи чемпионлик жанги мақомида бўлиб, унда енгил вазн тоифасида WBC чемпиони Майки Гарсия IBF чемпионлик камари соҳиби Роберт Истерни мағлубиятга учратганди.