16 янв 12:12
Янгиликлар

Бокс/ММА

Луис Ортис: “Уайлдер гапда, мен эса амалда исботлайман”

Супероғир вазн тоифасида WBC чемпионлик камарига расмий ва мажбурий даъвогар Луис Ортис амалдаги чемпион Деонтей Уайлдерга қарши кечадиган жанг ҳақида яна бир бор ўз фикрини билдирди.

Кубалик боксчи ҳам, америкалик чемпион ҳам шу кунгача ўтказган жангларида мағлубият аламини тотиб кўришмаган.

“Уайлдер охирги пайтларда жуда кўп гапириб юборяпти. Мен эса аксинча ҳаммасини амалда исботламоқчиман. Ишончим комил, рингда унинг муаммолари ҳозиргисидан кўп бўлади. Куба кўчаларида ғалабамни узоқ вақт нишонлашади”, – деди Ортис BoxingScene сайтига берган интервьюсида.

Аввалроқ, Деотней Уайлдер афсонавий боксчилар Флойд Мейвезер ва Жорж Форманга тегишли бўлган рекордларни янгилаш истагида эканлигини маълум қилганди.