M25 Maanshan: Фомин ғалаба билан бошлади, Шинда мағлубият

Бугун мусобақада икки ҳамюртимиз — Сергей Фомин ва Максим Шин ўз учрашувларини ўтказишди.

Турнирда олтинчи рақам остида сараланган Фомин илк босқич доирасида нейтрал мақомдаги Сергей Петровга қарши кортга чиқди ва 2:0 (6/3, 6/2) ҳисобида ғалаба қозонди. Энди Сергей нимчорак финал босқичида италиялик 24 ёшли Александр Бинда тўсиғидан ўтиши керак бўлади.

Таққослаш учун, Фомин айни дамда ATP рейтингида 336, Бинда эса 477-ўринни банд этиб турибди.

Шунингдек, бугун M25 Maanshan турнирида яна бир вакилимиз — Максим Шин ҳам кортга чиқди. Буюк Британия вакили, дунё рейтингида 364-ўринда қайд этилган Аластейр Грейга қарши кечган баҳсда Шин 0:2 (1/6, 4/6) ҳисобида имкониятни бой берди.