02 ноя 11:20
Янгиликлар

Бокс/ММА

Макгрегор Мейвезерни ММА қоидалари бўйича ўтказиладиган жангга чорлади

Аралаш қоидалар бўйича енгил вазн тоифасида UFC чемпиони Конор Макгрегор Флойд Мейвезерга қарши реванш жанги ўтказиш бўйича ўз таклифини илгари сурди.

Ирландиялик чемпиони шу йилнинг 26 август куни ўтказилган бокс қоидалари асосидаги жангда енгилмас Мейвезерга имкониятни бой берган эди. Бу сафар Конор америкалик боксчини октагонга чақирди ва ММА қоидалари бўйича жанг ўтказишга чорлади.

Бундан ташқари, Макгрегор Лас-Вегасда ўтган жангда ҳакамлик қилган рефери Роберт Бердни ҳам айблади. Унинг сўзларига кўра, Берд жанг давомида Конорга ҳалақит қилган. Ҳозирча 50 та жангнинг барчасида ғалабага эришган Мейвезер бу чорловга ҳеч қандай муносабат билдирмади.