20 июн 10:40
Янгиликлар

Бокс/ММА

Мамажонов Нью-Йоркда Хитров билан бир залда машғулот ўтказяпти

Профессионал бокснинг ўрта вазн (72,5 кг) тоифасида фаолиятини олиб бораётган ҳамюртимиз Шерали Мамажонов ўтган ҳафта АҚШга жўнаб кетганди.

Боксчимиз АҚШнинг Нью-Йорк штати Бруклин шаҳрида машғулотларни бошлади. Мамажонов россиялик таниқли боксчи, ўз вазн тоифаси рейтингида кучли ўнталиклан жой олган Евгений Хитров ҳамда яна бир ҳамюртимиз Хуршид Норматов билан бирга машғулот ўтказяпти.

Режага кўра, Шерали Мамажонов август ойида профессионал боксдаги навбатдаги жангида рингга кўтарилади. Ҳозирча рақиб номи маълум эмас. Унинг аввалги жанги ҳам АҚШда бўлиб ўтганди.