Мамлакатимизнинг барча ҳудудларида мотам маросимлари ўтказилмоқда (ФОТО)

Унда терма жамоа мураббийлари, етакчи мутахассислар ва федерация мутасаддилари иштирок этди. Тадбир иштирокчилари Президентимиз портрети пойига гуллар қўйиб, хотирасига ҳурмат бажо келтиришди.

Кўплаб Жаҳон ва Осиё чемпионларини тарбиялаган тажрибали мураббийлар ва бошқалар истиқлолимиз асосчиси Ислом Каримов томонидан мамлакатимиз тараққиёти, спортга берилган катта эътибор, юртимиз ободлиги, халқимиз фаровонлиги йўлида амалга оширилган ишлар мангуликка муҳрланиб қолишини таъкидлади.

“Соғлом турмуш-соғлом тафаккур” бу тушунчалар бевосита жисмоний тарбия ва спорт билан унга бўлган давлат даражасидаги эътибор билан боғланади. Мамлакатимиздаги барқарор маънавий мухит, юртимиз спортчиларининг жаҳон ареналардаги муносиб иштироки мазкур йўналишда узоқни кўзлаб амалга оширилаётган эзгу сайи харакатларнинг самарасидир.

Мамлакатимизнинг Биринчи Президенти бошчилигида аввало болалар спортини ривожлантиришга катта эътибор қаратди ва уни умумхалқ харакатига айлантириб ”Ўзбек модели”ини яратди. Шунинг учун ҳам бугун биз спорт оламида дунёда тенгсизлар қаторидан жой олдик. 

Жаҳонда ўз ўрнимизга эга бўлдик. Ислом Каримов номи тинчликсевар ва халқпарвар давлат арбоби, доно сиёсатчи ва комил инсон сифатида халқимиз қалбидан мангу жой олди.

Ўзбекистон бокс федерацияси матбуот хизмати