"Манчестер Сити" Чемпионшип финалидан 20 млн фунт стерлинг ишлаб олиши мумкин

Премьер-лига йўлланмаси учун Чемпионшип финалида "Лидс Юнайтед" ва "Саутгемптон" жамоалари тўқнаш келади. Гап шундаки, "Саутгемптон" ўтган ёзда англиялик 21 ёшли футболчи Тейлор Харвуд-Беллисни "Манчестер Сити"дан бир мавсумга ижарага олганди.

Шартномадаги бандга кўра, "авлиёлар" клуб Премьер-лигага йўл олган тақдирда, марказий ҳимоячини 20 миллион фунт стерлингга сотиб олишга мажбур. Тейлор Харвуд-Беллис Англия U-21 терма жамоаси сардори ҳисобланиб, ушбу ёш тоифасида Европа чемпионлигини қўлга киритган.