Чарльз Оливейра Оқ уйдаги асосий жангни суғурталамоқчи

Бразилиялик аралаш яккакураш устаси ушбу оқшомнинг асосий жангига захира варианти бўлмоқчи. Чарльз енгил вазн тоифаси вакиллари Илия Топурия ва Жастин Гэтжи ўртасидаги бирлаштирувчи чемпионлик жангини суғурталашга тайёр.

Бу ҳақда бразилиялик мураббий Диего Лима Sherdog нашрига берган интервьюсида маълум қилди.

"Умид қиламизки, уларнинг ҳеч бири жароҳат олмайди, чунки бу ажойиб жанг бўлади. Аммо биз аллақачон Чарльзни Оқ уйдаги турнир учун захира варианти сифатида таклиф қилганмиз. Оливейра чемпионлик камарини хоҳлайди. Захира варианти ўхшамаган тақдирда ҳам, у Топурия - Гэтжи жанги ғолиби билан октагонда тўқнаш келишни мақсад қилган. Бизда Хантер Кэмпбелл билан муҳокама қилиш учун бир нечта вариантлар бор", - деди бразилиялик мутахассис.

Шу билан бирга, Оливейранинг жамоаси BMF чемпионлиги учун курашиш нияти ҳақида бир неча бор гапирган Конор Макгрегорга қарши жангнинг ўтказилишига ишонмаяпти. 

"Ҳар сафар у ҳақида гапирганимизда, бу сериалга айланади. Шунинг учун умид қилмаган маъқул, деб ўйлайман. Албатта, Чарльз учун ярим ўрта вазн тоифасига кўтарилиши ва у билан супер жанг ўтказиши, унга қайтиб келмагани маъқуллигини кўрсатиш завқли бўларди. Аммо ростини айтсам, Конорнинг қайтиб келишига ишонмайман", - дея қўшимча қилди Лима.

Шунингдек, мураббий Холлоуэй билан жангдан сўнг шогирдининг танқид қилинишига изоҳ берди.

"Бу ММА эмасмиди? Агар К-1 қоидалари бўйича жанг бўлса, Дана уни шунчаки ММА қўлқопларида К-1 қоидалари бўйича ўтказиши мумкин эди. Чарльз MMA қоидалари бўйича жанг қилди ва нафақат спорт афсонасидан камарни тортиб олишга муваффақ бўлди, балки ўз номини яна тарихга ёзди. Шунингдек, ММА тарихида иккинчи партер устунлигини кўрсатди.

Биринчиси - Хамзат Чимаев ва Дрикус Дю Плесси, иккинчиси - Чарльз ва Холлоуэй, учинчиси - Ислам Махачев ва Жек Делла Маддалена жанги. Ва биз энг юқори даражадаги чемпионлик жанглари ҳақида гапирамиз. Нега Чарльз BMF унвонига лойиқ эмас?

Агар Оливейра жангнинг ўртасида тўхтаб қолиб, шунчаки тик турган ҳолда нокаутга қадар жанг қилганида, бу энди BMF эмас, балки DMF (энг аҳмоғи) бўларди. Қизиғи шундаки, Чарльзни танқид қилган одамлар, агар у жиу-житсудан фойдаланмай ютқазган бўлса, уни аҳмоқ деб аташади. Менинг фикримча, уларда ҳасад бор", - дея хулоса қилди бразилиялик мураббий.