19 мар 16:52
Янгиликлар
Бокс/ММА
"Ғолиб чемпион бўлиши аниқ". Мёрфи — Евлоев билан жанг ҳақида гапирди
Британиялик UFC жангчиси Лерон Мёрфи UFC Fight Night 270 турнирида Мовсар Евлоевга қарши бўладиган жанг ҳақида фикр билдирди.
Унинг айтишича, ушбу жанг ғолиби албатта чемпионлик учун имконият қўлга киритади.
Мёрфи (ММАда 17-0-1, UFC’да 9-0-1) ва Евлоев (ММАда 19-0, UFC’да 9-0) ўртасидаги жанг норасмий даъвогарлик жанги ҳисобланади.
Икки жангчининг умумий ҳисобда 36 та мағлубиятсиз ғалабаси бор — бу промоушен тарихида мағлубиятсиз жангчилар ўртасидаги қарама-қаршилик учун янги рекорддир. Аввалги натижа (33 ғалаба) Иан Гарри ва Шавкат Раҳмоновга тегишли эди.
"Вау, бу ақлбовар қилмас ҳолат. Рекордни янгилаш — бу жуда катта иш. Буни ҳам албатта таъкидлаш керак. Мен фахрланаман. Ўйлайманки, бу жанг аслида чемпионлик учун бўлиши керак эди, лекин барибир жуда катта жанг, ғолиб албатта чемпион бўлади", — деди Мёрфи MMA Junkie нашрига.
Ҳавола :
Манба : MMA Junkie
Фикрлар