Порье Махачевни ортиқча вазнда айблади

Махачев 2024 йил июнь ойида ташкил этилган енгил вазн тоифасидаги (70,3 кг гача) жангнинг бешинчи раундида Порьени бўғиш усули билан мағлуб этганди.

"Ислам ўша жангда гавда жиҳатидан каттароқ эди, - деди Порье Жо Роганга берган интервьюсида. - Яқинда UFC’даги Хантер Кэмпбеллнинг офисида бўлдим. Уларда жанг куни барча турнир иштирокчиларининг вазн кўрсаткичлари бўладию, аммо уларни эълон қилишмайди. Лекин бу маълумот уларда аниқ бор".

"Биз Ислам билан жангим ҳақида гаплашдик ва у менга унинг вазни қанча эканлигини айтди. Бу тентаклик. Унинг вазни 86-87 кг. Мен эса 80 кг эдим", - дея қўшиб қўйди Порье. - Ўшанда мен унга қараб, елкасидаги томирларни ва бошқа жисмоний тарафлама устун жиҳатларни кўрдим ва бу йигитнинг қанчалик улканлигини англадим".

Аммо Ислам Махачев бу "айбловлар"ни рад этиб, ўзининг телеграм каналида жангда ҳеч қачон 80 кг дан ортиқ вазнга эга бўлмаганини ёзди.