10 июл 21:28
Янгиликлар
Теннис
Маррей – Уимблдон турнирининг икки карра ғолиби!
Британиялик теннисчи Энди Маррей икки ҳафта давомида Лондон шаҳрида ўтказилган “Катта Дубулға” туркумига кирувчи Уимблдон турнирининг ғолибига айланди.
Сайёрамизнинг иккинчи ракеткаси фаолиятидаги иккинчи бор Уимблдон турнирида бош мукофотга эга чиқди. Ҳозиргина якунига етган финал баҳсида у дунёнинг олтинчи рақамли иштирокчиси канадалик Милош Раоничдан 6:4, 7:6 (7:3), 7:6 (7:2) ҳисобида устун келди.
Финал баҳси 2 соату 47 дақиқа давом этди. Маррей 7, Раонич эса 8та эйс зарбани амалга оширди. Бугунги титул Маррей учун жорий мавсумдаги учинчи, фаолиятидаги 38-соврин бўлди.
Ҳавола :
Фикрлар