22 мар 08:45
Янгиликлар
Теннис
Майами "Мастерс". Истомин эртага бошлайди
Мамлакатимизнинг биринчи ракеткаси Денис Истомин АҚШнинг Майами шаҳрида ўтказилаётган “Мастерс” сериясига кирувчи нуфузли турнирдаги иштирокини бошлайди.
Ҳамюртимиз мусобақанинг асосий тўр баҳслари илк даврасида россиялик Андрей Кузнецовга қарши кортга чиқади. Истомин дунё рейтингида 70-ўринни эгаллаб турибди. 28 ёшли Кузнецов эса 68-поғонадан жой олган.
Теннисчилар бугунгача ўзаро икки маротаба тўқнаш келишган. Уларнинг ҳар иккисида ҳам Истоминнинг қўли баланд келган. Истомин - Кузнецов учрашуви эртага бизнинг вақт билан тахминан соат 20:30 да бошланади.
Мазкур баҳс ғолиби иккинчи даврада хорватиялик Иво Карловичга қарши кортга чиқади. Карлович турнирнинг 17-рақамли теннисчиси сифатида сараланган.
Ҳавола :
Манба : olamsport.com
Фикрлар