30 мар 11:03
Янгиликлар

Теннис

Майами "Мастерс" турнирида чемпион аниқланди

Дунёнинг иккинчи ракеткаси Янник Синнер АҚШнинг Флорида штати Майами шаҳрида якунига етган "Мастерс" турнири ғолибига айланди.

Италиялик теннисчи ҳал қилувчи финал учрашувида ATP рейтингида 22-ўринни эгаллаб турган чехиялик Иржи Лехечкани икки сетда ҳам бир хил ҳисобда мағлубиятга учратди - 6/4, 6/4. Теннисчиларнинг ўзаро учрашувларидаги ҳисоб янада йириклашди - 4:0.

Тўқсон тўрт дақиқа давом этган баҳсда Синнер 10, Лехечка 5 та эйс зарбасини амалга оширган. Брейклар бўйича устунлик ҳам табиийки, чемпион томонида бўлди - 2 га 0. Янник Индиан-Уэллс "Мастерс" турнирида ҳам бош совринни қўлга киритган эди.