Майами (WTA). Плишкова ва Возняцки 1/2 финалда

Соврин жамғармаси 7 млн. АҚШ долларини ташкил қилувчи Miami Open мусобақасининг хотин-қиз теннисчилар баҳсларида ярим финалнинг икки иштирокчиси маълум бўлди.

Турнирнинг иккинчи ракеткаси чехиялик Каролина Плишкова ортиқча қийинчиликсиз хорватиялик рақибаси Мирьяна Лучич-Баронини 6:3, 6:4 ҳисобида мағлуб этди.

Иккинчи чорак финал жуфтлигида даниялик Каролин Возняцки чехиялик Луция Шафаржовадан 6:4, 6:3 ҳисобида устун келди. Чорак финалнинг қолган икки жуфтлигидаги баҳслар бугун бўлиб ўтади. 

1/4 финал:

Мирьяна Лучич-Барони (Хорватия, 26) – Каролина Плишкова (Чехия, 2) - 3:6, 4:6

Каролин Возняцки (Дания, 12) – Луция Шафаржова (Чехия) 6:4, 6:3

29.03.  Анжелик Кербер (Германия, 1) – Винус Уильямс (АҚШ, 11)

29.03. Симона Халеп (Руминия, 3) – Йоханна Конта (Буюк Британия, 10)