06 янв 10:41
Янгиликлар
Бокс/ММА
Майк Тайсон марихуана етиштирадиган плантанция очди
Профессионал бокс афсонаси Майк Тайсон Калифорнияда марихуана етиштиришни бошлади, деб хабар бермоқда Washington Post нашри.
Тайсон ва унинг ишбилармон ҳамкорлари Лос-Анжелес шаҳридан 165 км узоқликда жойлашган ҳудудда 2 гектарга яқин майдонга марихуана экишди.
Ранчо пойдеворига илк ғишт қўйиш маросимида Тайсоннинг бизнес-ҳамкорлари Роберт Хикман, Жей Строменн, Лос-Анжелес шаҳри мэри Женнифер Вуд иштирок этди.
Эътиборга молик жиҳати шундаки, Майк Тайсон спортчилик фаолияти давомида марихуана билан боғлиқ можароларга кўп бор дучор бўлган. Анжей Голота устидан қозонилган ғалабаси ҳам айнан шу сабаб билан бекор қилинган эди.
Маълумот учун, 2018 йилнинг 1 январидан Калифорнияда янги қонун қабул қилиниб, унга кўра марихуанани даъволаш йўлида истеъмол қилишга рухсат берилган.
Ҳавола :
Фикрлар