27 май 14:13
Янгиликлар

Бокс/ММА

Майкл Хантер: Эндиги нишон - Жошуа ёки Уайт!

Супероғир вазн тоифасида WBA International чемпионлик камари соҳиб бўлиб турган Майкл Хантер режалари билан ўртоқлашди.

Хантер кеча тонгда собиқ ММА жангчиси бразилиялик Фабио Мальдонадога қарши рингга кўтарилиб, рақибини биринчи раунддаёқ нокаутга учратган эди.

"Фабиога қараганда оёқда яхшироқ ҳаракат қилдим. Ғалабамнинг асосий омили ҳам шу бўлди. Энди катта хурсандчилик билан Энтони Жошуага қарши исталган жойда жанг қилишга тайёрман. Бу жангни ташкил қилиш қийин кечмайди.

Боиси, мен ҳам, Жошуа ҳам DAZN ва Matchroom билан ҳамкорлик қиламиз. Энтони пулга жуда ҳам ўч, катта гонорар таклиф қилинса, дарҳол рози бўлади. Агар Жошуа билан жангим амалга ошмаса, у ҳолда кейинги жангимни Диллиан Уайтга қарши ўтказаман", - деди 30 ёшли Хантер.