МДҲнинг энг гўзал шахматчиси билан интервью

У Деҳлида бўлиб ўтган ҳалқаро турнирнинг аёллар мусобақасида биринчи ўринни қўлга киритди. Шунингдек, МДҲнинг энг гўзал шаҳматчилари сўровномасида ғолиб деб топилди.

Шу муносабат билан шахматчимиз билан қисқа интервью уюштиришга қарор қилдик.


- Аввало Деҳлидаги мусобақадан олган таассуротларингиз билан ўртоқлашсангиз.

- Деҳлидаги мусобақада илк бор қатнашдим. Бу жуда ҳам катта фестивал ҳисобланади ва бу йили А категорясининг ўзида 258 киши қатнашди. Шундай катта мусобоқада биринчи ўринни олганимдан жуда ҳам хурсандман.

- Мусобақада қайси баҳс сиз учун энг омадли бўлди? Энг омадсизичи?

- Энг омадлиси охирги турда Пранав Шеттини ютиб муҳим очкони олдим. Энг омадсизи эса бу мусобақадаги ягона мағлубиятим Гровер Саҳаж билан баҳс бўлди.


- Ушбу мусобақада шунингдек, Марат Жумаев ва Сарвиноз Қурбонбоева ҳам иштирок этишди. Жумаев учинчи, Сарвиноз 52-ўринни эгаллади. Сиз аёллар ўртасида биринчи бўлдингиз ва умумий рейтингда 33-ўринни банд этдингиз. Бу ўзбек шахматчилари учун қанчалик яхши натижа?

- Ҳиндистон шахмат давлати ҳисобланади ва бу ерда ҳамма яҳши ўйнайди. Рейтинги паст бўлишига қарамай, уларни ютиш осон эмас. Шунинг учун, бу ердаги ҳар бир ютуқни осон қўлга киритиб бўлмайди. Лекин, Ўзбекистон шахматчилари бундан яхшироқ натижа кўрсата олишларига ишонаман.


- Навбатдаги мусобақада ҳам иштирок этар экансиз. Бу мусобақа ҳақида батафсил маълумот берсангиз.

- Кейинги мусобақам Ҳиндистоннинг Ченнай шаҳрида бўлиб ўтади. Бу мусобоқада ҳам 300га яқин шахматчи иштирок этади.

- Сўнгги савол МДҲнинг энг гўзал шахматчиси бўлдингиз. Бу борада фикрларингиз билан ўртоқлашинг.

- Ушбу сўровномада ғолиб чиққаним учун биринчи навбатда менга ишониб овоз берган Ўзбекистон халқига ва дўстларимга катта раҳмат! Уларни ишончини оқлашга ҳар доим ҳаракат қиламан!

Нарзулла Сайдуллаев суҳбатлашди