17 июл 11:35
Янгиликлар
Бокс/ММА
Мексикалик чемпион Ломаченкони рингга чорлади
Мексикалик боксчи Мигель Берчельт (32-1, 28 КО) якшанба куни япониялик Такаши Миура (31-4-2, 24 КО)ни мағлуб этиб, иккинчи ярим енгил вазн тоифасида ўзига тегишли бўлган WBC чемпионлик камарини ҳимоя қилганди.
АҚШнинг Калифорния штати Инглвуд шаҳрида ўтказилган ўша жангдан сўнг Берчельт украиналик чемпион Василий Ломаченкони рингга чорлади.
“Мен ўз вазн тоифамнинг энг кучлилари билан жанг қилишга тайёрман. Шу кунгача бу вазннинг энг кучлилари ҳисобланган Франсиско Варгас ва Такаши Миурани мағлуб этдим. Энди навбат Василий Ломаченкога”, – деди Берчельт.
Маълумот учун, Ломаченко 5 август куни WBO чемпионлик камарини колумбиялик Мигель Марриагадан ҳимоя қилади. Ҳозирча Ломаченко мексикалик чемпионнинг чорловига ҳеч қандай муносабат билдирмади.
Ҳавола :
Манба : isport.ua
Фикрлар