02 июл 10:09
Янгиликлар
Бокс/ММА
Мэнни Пакьяо чемпионлик камарини бой бериб қўйди
Филиппинлик афсонавий боксчи Мэнни “Пэкмен” Пакяьо ўзининг профессионал рингдаги навбатдаги жангини ўтказди.
Ҳозиргина якунига етган шиддатли жангда 38 ёшли Пакьяо (59-7-2, 38 KOs)нинг австралиялик 29 ёшли Жефф Хорн (17-0-1, 11 KOs)га қарши рингга кўтарилди. Австралиянинг Брисбен шаҳридаги стадионда, 40 000 дан зиёд мухлис кўз ўнгида ўтган жанг 12 раунд давом этди.
Мэнни ярим ўрта вазн тоифасининг WBO йўналишида амалдаги жаҳон чемпиони ҳисобланарди. Якунда ғолиб номи очколар ҳисобига кўра аниқланди. Уччала ҳакам ҳам бир овоздан 117-111, 115-113, 115-113 ҳисобида ғалабани Хорнга тақдим этишди.
Шу тариқа, Мэнни Пакьяо ўзига тегишли бўлган чемпионлик камарини бой бериб қўйди. Ўн икки раунд давом этган жангда гавда жиҳатидан устунликка эга бўлган мезбон боксчи тарихий ғалабага эришди.
Ҳавола :
Манба : olamsport.com
Фикрлар