28 дек 18:52
Янгиликлар

Бокс/ММА

Мэнни Пакьяо: Допинг-таҳлилим ижобий натижа берди

Афсонавий Мэнни Пакьяо ўзининг 19 январь кунига белгиланган жанги хусусида фикр билдирди.

Ярим оғир вазн тоифасида WBA чемпиони бўлиб турган филиппинлик боксчи шу куни америкалик Эдриен Бронерга қарши рингга кўтарилади. Пакьяо ўзининг Twitter саҳифасида тайёргарлик ҳақида гапириб, допинг бўйича кўтарилган мавзуга ҳазил билан жавоб қайтарди.

“Boxing Day”ни 5 миллик кросс югуриши билан нишонлаяпман. “Hollywood”гача югуриб бордим ва 2000 маротаба ўтириб туриш машқини бажардим. Кейин умумий жисмоний машғулотларга навбат келди. Эрталаб VADA томонидан допинг-текширувдан ўтдим. Таҳлил ижобий натижа берди. Бунинг номини “юқори сифат” дейишади”, - дея ҳазил қилди Пакьяо.

Эслатиб ўтамиз, Мэнни Пакьяо ва Эдриэн Бронер ўртасидаги чемпионлик жанги 19 январь куни АҚШнинг Невада штати Лас-Вегас шаҳрида бўлиб ўтади.