08 янв 07:23
Янгиликлар

Футбол

Месси гол урган ва голли пас берган ўйинда "Барселона" ғолиб бўлди

Испания чемпионатининг 18-туридан ўрин олган "Барселона" ҳамда "Леванте" жамоалари ўртасидаги ўйин бўлиб ўтди.

Майдон эгалари 12-дақиқадаёқ ҳисобда олдинга чиқиб олишди. Месси Альба билан девор услубидаги комбинацияни гол билан якунлади. Танаффусга қадар Луис Суарес ҳисобни 2:0 кўринишига келтирди. Бу билан уругвайлик футболчи қаторасига бешинчи ўйинда гол урди.

Учрашувнинг охирги дақиқасида Мессининг тўп узатишидан сўнг Паулиньо ўйинга якуний нуқта қўйди - 3:0. Коутиньони харид қилиб мухлисларини хурсанд қилган "Барселона" йирик ғалабани қўлга киритди.