Мейвезер Макгрегорга қарши жангдаги ҳақиқатни ошкор қилди

Бешта вазн тоифасида собиқ жаҳон чемпиони бўлган Мейвезер (50-0, 27 КО) Макгрегорга қарши жангни мухлислар учун атайин чўзганини тан олди.

“Мейвезер - Макгрегор жанги ҳақида ҳамма турлича фикр билдиряпти. Мен эса бугун сизларга бор ҳақиқатни айтиб бераман. Мен атайин жангни муддатидан аввал якунлаб қўймасликка ҳаракат қилдим. Битта аниқ зарба билан биринчи ёки иккинчи раундда жангни тугатишим мумкин эди. Лекин мухлислар ҳаққи ҳурмати бундай қилмадим”, – деди Мейвезер.

Эслатиб ўтамиз, Флойд Мейвезер 26 август куни ўтказилган бокс қоидалари асосидаги жангда Конорни 10-раундда техник нокаутга учратган эди.