03 авг 13:20
Янгиликлар

Бокс/ММА

Мейвезер Пакьяонинг реванш ҳақидаги саволига жавоб берди

Бешта вазн тоифасида собиқ жаҳон чемпиони, фаолиятини енгилмас боксчи сифатида якунлаган Флойд Мейвезер Мэнни Пакьяога жавоб қайтарди.

Филиппинлик боксчи бир неча кун аввал Мейвезерни реванш жангига чорлаган эди. Бу икки бокчининг илк жанги 2015 йилда ўтказилган бўлиб, ўшанда Мейвезер очколар ҳисобига кўра баҳсли ғалабани қўлга киритган эди.

“Мен Пакьяони билдирган таклифи учун танқид қилмоқчи эмасман. У фикр билдиришга ҳақли. Агар у ҳамон рингга чиқиш ва пул ишлаш илинжида бўлса, мен унга промоутер сифатида яхшигина маблағ келтирадиган жанг ташкил қилиб бераман. Мен Мэнни Пакьяонинг Майки Гарсияга қарши жангини назарда тутяпман”, - деди Мейвезер.