15 июн 10:57
Янгиликлар

Бокс/ММА

Мейвезер ва Макгрегорнинг жанг учун гонорарлари маълум

Хабар берганимиздек, 26 август куни АҚШнинг Лас-Вегас шаҳрида фаолиятини енгилмас боксчи сифатида якунлаган Флойд Мейвезер ҳамда аралаш қоидалар бўйича UFC чемпиони Конор Макгрегор ўртасидаги узоқ кутилган бокс жанги бўлиб ўтади.

Британиянинг Mirror нашри тарқатган хабарга кўра, ҳар икки спортчи ҳам бўлажак жангдаги иштироки учун 100 млн доллардан гонорар олади. Конор ва Флойдга жанг натижасидан қатъий назар айнан шунча суммадаги мукофот пули кафолатланган.

Ташкилотчиларнинг ушбу жангдан оладиган соф даромади эса 636 млн АҚШ доллари атрофида бўлиши тахмин қилиняпти. Бу эса бокс тарихидаги рекорд натижага айланади.