15 фев 18:52
Янгиликлар

Бокс/ММА

Мейвезер Японияда 10 млн долларлик жанг ўтказади, бу сафар боксчига қарши!

Америкалик бокс афсонаси июль ойида яна рингга қайтади.

Бешта вазн тоифасида собиқ жаҳон чемпиони Флойд Мейвезер июль ойида Японияда яна битта кўргазмали жангда рингга кўтарилади. Бу сафарги рақиб собиқ боксчи бўлади.

Ҳозирча бу боксчининг исм-шарифи ошкор қилинмаяпти. Жанг уч дақиқадан уч раунд давом этади. Флойд ушбу 9 дақиқалик жанг учун (агар охиригача давом этса) 10 миллион доллар гонорар олади.

Эслатиб ўтамиз, Мейвезер 31 декабрь куни Японияда маҳаллий кикбоксчи Тенсин Нацукавага қарши бокс қоидалари асосида жанг ўтказиб, рақибини биринчи раунддаёқ нокаутга учратганди. Ўшанда америкалик боксчи жанг учун 9 миллион долларлик гонорарга эга бўлган эди.