Миразизбек Мирзахалиловни ҳакамлар "қарори" эвазига ютган Шумков: "Ғалабамга шубҳам йўқ эди"

У 28 сентябрь куни Боку (Озарбайжон) шаҳрида ўтказилган IBA Чемпионлар оқшоми турнирининг марказий жангида ҳамюртимиз Миразизбек Мирзахалиловни ҳакамларнинг ғаройиб қарорлари эвазига мағлуб этган эди. 

"Жангдан кейинги ҳис-туйғулар? Жанг олдидан ва жанг давомида жуда кўп ишладим, тактика рақибга яққол мослаштирилгани учун ғалабамга шубҳам йўқ эди. Мен ўзимнинг ғолиб деб эълон қилинишимни билардим. Менга жаҳон чемпиони камарини тақдим этишганида, албатта, бу жуда катта қувонч эди. Мен муваффақиятга эришганимдан фахрландим. Бу бутун фаолиятим давомида бир неча марта бошдан кечирган ақл бовар қилмайдиган туйғум.

Камарни қўлга киритганим учун берилган пуллар оиламга сарфланади. Мен квартирани тартибга соламан, яқинларимни саёҳатга олиб бораман ва келажак учун озгина сақлаб қўяман. 2025 йилда ҳаваскор боксдаги фаолиятимга эътибор қаратмоқчиман, чунки Жаҳон чемпионати яқинлашмоқда. Ҳаваскорлар ўртасида жаҳон чемпиони бўлиш - менинг асосий мақсадим! Лекин шу билан бирга, мен профессионал боксда танаффус қилмайман. Навбатдаги жангим 30 ноябрь куни бўлиб ўтади", деди Шумков.

Мирзахалилов эса аввалроқ, IBA раҳбари Умар Кремлёвга мурожаат қилиб, реванш талаб қилган эди.