Москвадаги нуфузли шахмат турнирида Гири пешқадам

Ўз тарихида юбилей 10-маротаба ташкил этилган мусобақада дунёнинг кўзга кўринган 10 нафар гроссмейстери иштирок этяпти. Кеча ўтказилган 5-тур учрашувида пешқадам, голландиялик Аниш Гири россиялик Ян Непомняший билан дуранг ўйнади.

Собиқ жаҳон чемпиони ҳиндистонлик Вишванатан Ананд эса исроиллик Борис Гельфанддан устун келди. Қолган партияларда томонлар муроса кўчасини танлашди.

Бугун ўтказилаётган 6-тур учрашувлари олдидан турнир жадвалида мусобақанинг энг ёш иштирокчиси Аниш Гири 4 очко билан якка пешқадамлик қиляпти.  

5-тур натижалари: Ананд – Гельфанд 1-0, Гири – Непомнящий, Ли Чао – Томашевский, Аронян – Крамник, Мамадияров – Свидлер партияларида дуранг қайд этилди.

5-турдан кейинги вазият: 1. Гири – 4; 2. Непомнящий – 3,5; 3-4. Ананд, Ли Чао – 3; 5-7. Мамадияров, Аронян, Крамник – 2,5; 8. Свидлер – 2; 9. Томашевский – 1,5; 10. Гельфанд – 0,5.

6-тур жуфтликлари: Аронян – Гири, Непомнящий – Мамадияров, Свидлер – Ли Чао, Томашевский – Ананд, Крамник – Гельфанд.