03 янв 09:43
Янгиликлар

Теннис

Мугуруса дунёнинг биринчи ракеткаси бўлиш имкониятини йўққа чиқарди

Дунёнинг иккинчи ракеткаси бўлиб турган Гарбинье Мугуруса Брисбен турнирининг илк даврасидаги учрашувини охиригача етказа олмади.

Испаниялик теннисчи Александра Круничга қарши кечган баҳсни ҳисоб ўз фойдасига - 7:5, 6:7, 2:1 бўлиб турган бир ҳолатда тўхтатди. Бунга Мугурусанинг тоби қочиб қолганлиги сабаб бўлди.

Эътиборлиси, иккинчи сетда 24 ёшли Гарбинье 5:2 ҳисобида олдинга чиқиб олган ва баҳсни ўз фойдасига ҳал қилишга жуда ҳам яқин келган эди. Бу билан Мугуруса келаси ҳафта эълон қилинадиган рейтингда дунёнинг биринчи ракеткаси бўлиш имкониятини йўққа чиқарди.