Мукофот жамғармаси 90 миллион сўмлик шахмат мусобақасидан ФОТОГАЛЕРЕЯ

Соврин жамғармаси 90 миллион сўм бўлган (қиз болалар учун 30 миллион, ўғил болалар учун 60 миллион) мусобақа қизғин ва муросасиз курашларга бой бўлди.

Қизлар 11 тур ўйнашди. Мусобақа якунида Нилуфар Ёқуббоева ва Умида Омонова бир хил 8,5 очко жамғарди. Лекин ғалабалар сони Нилуфар (7 та) да  Умида (6 та) га нисбатан кўп бўлгани боис, унга 1-ўрин насиб этди. Баҳора Абдусатторова 3-ўрин билан кифояланди. Соврин жамғармаси 30 миллион бўлган турнирнинг ғолиб ва совриндорлари диплом, медаль ҳамда пул мукофотлари билан тақдирланди.

Ўғил болалар ўртасидаги соврин жамғармаси 60 миллион сўм бўлган чемпионат баҳслари 13 тур давом этди.  Мусобақа якунига кўра, ғолиблик ҳамда 20 миллион сўм Жавоҳир Синдаровга насиб этди. Кейинги ўринларни Жаҳонгир Воҳидов (12 миллион сўм) ҳамда Нодирбек Абдусатторов (8 миллион сўм) лар эгаллади.

Энди ғолиблар Нилуфар Ёқуббоева ва Жавоҳир Синдаров Халқаро шахмат федерациясининг Жаҳон кубоги баҳсларида иштирок этади.

Сайтимиз фотомуҳбири Алимурод Мамадаминов ушбу мусобақадан ажойиб суратларни тақдим этди: