23 июл 09:54
Янгиликлар

Бокс/ММА

Мутлоқ жаҳон чемпиони Муҳаммад Али Кубогини қўлга киритди

Хабар берганимиздек, украиналик боксчи Александр Усик Москвада бўлиб ўтган бокс оқшомида мутлоқ жаҳон чемпионига айланганди.

Усик профессионал бокснинг биринчи оғир вазн тоифасида тўртта асосий чемпионлик камарларини ўз қўлида бирлаштирган биринчи боксчига айланди. Икки вазн тоифасида чемпион бўлиб турган Усик қолган икки йўналиш чемпиони россиялик Мурат Гассиевдан камарларни тортиб олди.

Бутунжаҳон бокс Суперсериясининг финал жангида украиналик боксчи 12 раунд якунларига кўра ринг эгасини 120-108, 119-109 ва 119-109 ҳисобларида мағлуб этди. Ушбу ғалаба Усикка чемпионлик камарларидан ташқари Муҳаммад Али Кубогини ҳам тақдим этди.