02 апр 11:37
Янгиликлар

Шахмат

Музичук блиц йўналишида Европа чемпиони бўлди

Грузиянинг Батуми шаҳрида шахматнинг блиц йўналишида Европа чемпионати бўлиб ўтди.

Аёллар ўртасидаги мусобақада жами 77 нафар иштирокчи чемпионлик учун дона сурди. Ҳар бир партияга 3 дақиқадан ва ҳар бир юришга 2 сониядан вақт берилди. Якунда украиналик Анна Музичук ғолиблик шохсупасига кўтарилди.

Анна 13 имкониятдан 10 очко тўплади. Кумуш медал германиялик Элизабет Пэтц, бронза эса польшалик Моника Сочкога насиб этди. Иккала шахматчи ҳам 9,5 очкодан жамғаришди.

Маълумот учун, Музичук бир кун аввал Грузиянинг бошқа бир шаҳри Тбилисида ўтган тезкор шахмат бўйича Европа чемпионатида бронза медалини қўлга киритган эди. Пэтц эса ўшанда Европа чемпиони бўлганди.