15 мар 16:11
Янгиликлар
Теннис
Надаль Индиан-Уэллс турнирининг 1/8 финал босқичига йўл олди
АҚШнинг Индиан-Уэллс шаҳрида мавсумнинг илк "Мастерс" турнири давом этмоқда.
Бугун бўлиб ўтган 1/16 босқичининг яна бир учрашувида жаҳоннинг 4-ракеткаси Рафаэль Надаль АТР рейтингида 29-ўринни эгаллаб турган британиялик Дэниел Эвансни 7/5, 6/3 ҳисобида мағлуб этди.
Учрашув 1 соату 43 дақиқа давом этди. Ушбу вақт давомида испаниялик теннисчи тўртта эйс амалга ошириб, беш бор қўш хатога йўл қўйди. Британиялик теннисчи эса учта эйс қайд этиб, икки марта қўш хатога йўл қўйди. Бу теннисчиларнинг ўзаро учинчи учрашуви эди ва Надаль орадаги фарқни яна ошириб олди, 3:0.
35 ёшли Надалнинг BNP Paribas Open турниридаги навбатдаги рақиби америкалик Рейлли Опелка бўлади.
Ҳавола :
Манба : gotennis.ru
Фикрлар