10 фев 18:05
Янгиликлар
Футбол
А Серия топ-клуби юлдуз ўйинчи билан янги шартнома бўйича музокараларни бошлади
"Ювентус" жамоа етакчиларидан бири, ярим ҳимоячи Кефрен Тюрам билан янги шартнома бўйича музокараларга киришди.
Инсайдер Николо Скира маълумотларига кўра, ўтган ҳафта Турин клуби ва Тюрам агентлари ўртасида илк учрашув бўлиб ўтган. Унда шартномани 2030 йилгача узайтириш масаласи муҳокама қилинган.
Қайд этилишича, учрашув ижобий руҳда ўтган ва томонлар ўзаро келишувга яқин.
Айтиш жоизки, куни кеча Кенан Йилдиз "кекса синьора" билан янги шартнома имзолагани маълум қилинганди.
Эслатиб ўтамиз, А Сериянинг 23 туридан сўнг Турин жамоаси турнир жадвалида тўртинчи ўринни эгаллаб турибди.
Ҳавола :
Манба : x.com/NicoSchira
Фикрлар