24 янв 12:41
Янгиликлар

Теннис

Надаль жароҳат сабаб 3 ҳафтага сафдан чиқди

Дунёнинг биринчи ракеткаси Рафаэль Надаль Австралия Очиқ чемпионатининг чорак финалида жароҳат олган ва бунинг натижасида баҳсни якунига етказа олмаган эди.

Испаниялик теннисчи кеча тиббий кўрикдан ўтди ва унинг бу жароҳат сабаб 3 ҳафта давомида кортга чиқа олмаслиги ойдинлашди. Надаль Испанияга қайтиб боради ва Мадридда муолажаларни давом эттиради.

Хабарда айтилишича, 31 ёшли Рафаэль Надаль 26 февраль куни Мексиканинг Акапулько шаҳрида старт оладиган турнирда иштирок этади. Шундан сўнг Индиана-Уэльс ва Майамидаги "Мастерс" турнирларида ҳам кортга чиқади.