25 фев 07:43
Янгиликлар
Теннис
Надаль мавсумдаги кетма-кет 12-ғалабасини қўлга киритди
Жаҳоннинг бешинчи ракеткаси, испаниялик теннис юлдузи Рафаэль Надаль Акапулькодаги турнирнинг иккинчи даврасида ғалабага эришди.
Рафа АТР рейтингида 130-ўринни эгаллаб турган америкалик Стефан Козловдан 6/0, 6/3 ҳисобида устун келди. Учрашув 1 соату 17 дақиқа давом этди. Бу теннисчиларнинг ўзаро ўтказган биринчи тўқнашуви эди.
Мавсум бошидан буён 35 ёшли Надаль 12-учрашувидаги 12-ғалабасини тантана қилди. Бу унинг фаолиятидаги энг яхши кўрсаткичи (олдинги шахсий рекорд - 2014 йилда 11 ғалаба) ҳисобланади.
Энди Рафаэль Надаль Мексикадаги мусобақанинг чорак финалида америкалик бошқа бир теннисчи Томми Полга қарши кортга чиқади.
Ҳавола :
Манба : gotennis
Фикрлар