“Насаф” бу сафар “Карпати”ни мағлубиятга учратди

Ўзбекистон чемпионатининг бронза медал совриндорлари Украина премьер лигаси вакили Львов шаҳрининг “Карпати” жамоасига қарши баҳс олиб боришди.

Учрашувнинг 5-дақиқасида тажрибали ҳужумчи Драган Черан ҳисобни очди. 50-дақиқада Черан яна бир бор львовликлар дарвозасини ишғол қилди. Орадан кўп вақт ўтмай рақиб футболчилари ҳисобни қисқартиришди.

Ўйиннинг сўнгги дақиқаларида Дилшод Хушбаков жуда чиройли тарзда, узоқ масофадан “Карпати” дарвозасини ишғол қилди. Учрашувдаги голларга Шахбоз Эркинов, Фарруҳ Сайфиев ва Ислом Кенжабоевлар асисентлик қилишди.

Шундай қилиб, “Насаф” навбатдаги назорат учрашувида “Карпати” клубини 3:1 ҳисобида мағлубиятга учратди. “Насаф” Анталиядаги сўнгги назорат ўйинини 20 январь куни Қозоғистоннинг “Шахтёр” жамоаси билан ўтказади.