"Насаф" бу сафар Руминия клубини мағлуб этди

Анталиядаги бугунги учинчи назорат учрашувида “Насаф” Руминиянинг “Ботошани” клуби билан куч синашди.

Тенг курашлар остида кечган учрашувда "Насаф" 1:0 ҳисобида ғалабага эришди. Голни тўпурар ҳужумчи Драган Черан киритди. Тезкор ташкил этилган қарши ҳужумда Дониёр Нарзуллаев тўпни Драган Черанга  ошириб берди. Черан бу вазиятда дарвозани бехато нишонга олди.

Бундан аввалги назорат учрашувларида “Насаф” Кипр ва Озарбайжон клублари устидан ҳам шундай ҳисобда ғалаба қозонган эди.

Кечаги назорат учрашувида қуйидаги футболчилар майдонда ҳаракат қилишди.

“Насаф”: Элдорбек Суюнов, Игорь Голбан, Мақсуд Каримов, Нажмиддин Нормуродов (Акмал Шораҳмедов), Дониёр Нарзуллаев (Ғолиб Ғайбуллаев), Шароф Муҳитдинов, Одил Ҳамробеков (Азизжон Ғаниев), Баҳром Абдураҳимов (Бобир Абдухолиқов), Ислом Рашидхонов (Ислом Кенжабоев), Дилшод Хушбаков (Сирожиддин Қўзиев), Драган Черан.

"Насаф" навбатдаги назорат учрашувини бугун Озарбайжоннинг яна бир клуби “Сумгаит” жамоасига қарши ўтказади.