"Насаф" етакчилари жамоани тарк этишди ФОТО

Бир неча кун аввал жамоани Славко Лукич тарк этгани ҳақида ёзгандик. Энди маълум бўлишича, Драган Черан ҳам қаршиликлар билан расман хайрлашган.
Бу ҳақда Шаҳбоз Беғамовга Чераннинг ўзи маълум қилган.

Айни пайтда Черан "Пахтакор" таклифи ҳақида бош қотирмоқда. "Пахтакор" Драган Черанни қўлга киритишга жиддий қизиқмоқда. Тез орада томонлар келишувга эришса, унда Черан мавсумнинг қолган қисмини "Пахтакор"да ўтказади.

Эслатиб ўтамиз, бунга қадар "Насаф"ни Жасур Ҳасанов ҳамда Славко Лукич сингари етакчилар тарк этишганди. Улар сафи энди яна бир футболчига кўпайди. Шунингдек, Игорь Голбаннинг ҳам "Насаф"дан кетгани ҳақида норасмий маълумотлар бор. Аммо ҳозирда Голбан билан боғланишнинг имкони бўлмади.

"Насаф"даги бу йўқотишлар клубда юзага келган молиявий инқироз туфайли содир бўлмоқда. "Насаф" кўплаб етакчи футболчиларини маош ва мукофот пулларини тўлашга қийналмоқда. Шу боисдан ҳам бир қатор футболчилар жамадон кайфиятига тушиб қолишган.